اجراءات السفر لتركيا (كل الاجراءات) 2022
فيزا و تصريح امني و تصريح سفر ( التصديق الامني ) للي دخل الجيش
تقدم علي الفيزا في مكتب MZ turkey دا موجود في الدقي جنب محطة مترو الدقي ١٠ دقايق مشي و Google maps مش
هايتوهك
-2022.jpg "السفر إلى تركيا أصبح أكثر يسرا عبر تأشيرة الدخول الالكترونية") |
| اجراءات السفر لتركيا (كل الاجراءات) 2022 |
المعلومات الكاملة المتعلقة بتأشيرة تركيا ماهي الاوراق المطلوبه لفيزا التركيالو اقل من ٢٠ سنة أو فوق ال٤٥ سنة الفيزا اونلاين
- اصل الباسبور و صالح لمدة لا تقل عن ٦ شهور و فيه علي الاقل ورقتين فاضيين ( لو باسبورك مليان فأنت اكيد عارف النقطة دي مش محتاج اقولهالك
- صورة بياناتك اللي في الباسبور علي ورقة A4
- و bank statement لخلال ال٦ شهور اللي فاتوا و يكون حديث ميعديش عليه اسبوع و دا مهم
- خطاب عمل HR letter بالانجليزي لو انت موظف .. فيه المرتب و تاريخ التعيين و اسمك و رقم باسبورك و تاريخ صدوره و انتهاءه و يبقي كتر خيرك لو فيه ان الشركة سامحالك تسافر من فترة كذا لكذا
لو صاحب شركة يبقي يبقي البطاقة الضريبية و السجل التجارى مترجمين انجليزي و معاهم الأصل
لو طالب و مقدم سياحة متقدمش مش هايطلعلك تصريح امني و انت طالب الا لو زيارة مش سياح
(في ناس بتقول ان خطاب العمل أو السجل التجارى و الصريبي ممكن ياخدوهم عربي عادي) - اتنين صورة شخصية مقاس 4×6
- حجز فندق مبدئي
- حجز طيران مبدئي
6 و 7 ممكن تعملهم من هناك با 5 دولار
ممكن تحجز انت من علي مصر للطيران و تخنار الدفع عن طريق فورى و تطبع الريسيت و متدفعش و تحجز فنادق الدفع فيها free cancelation و بعد ما تيجي الفيزا الغيهم عادي
من نسبه لسيرة الدولار في التركيا
مصاريف الفيزا بياخدوا بالدولار و كاش مقسمة الي
١٢٠ تكلفة الفيزا
٢٠ دولار للتأمين و اجبارى يعملوه هما
٥ دولار لو هايعملولك الحجز بتاع الفندق و الطيران
الاستلام بيبقي بعد اسبوع
يعني قدمت الاحد تروح تستلم الاحد
انا روحت في ميعادي و ملقتش الباسبور .. صور الايصال اللي معايا و قالي هانكلمك .. و فعلا تاني يوم كلموني و روحت استلمته
كمان استلمت الباسبور لاخويا عادي .. لو مراتك او حد من عيلتك و فيه إثبات علي كدا ممكن تاخد الباسبور بتاعه
تاني حاجة و هي التصريح الأمني بتاع الداخلية
دا في العباسية بيتعمل من إدارة الجوازات و الهجرة الدور الأول.. Google maps مش هايتوهك برضو
لازم الباسبور يبقي فيه وظيفة غير كدا مش هايعرف يطلع تصريح امني ..( ياريت لو حد جرب يبقي حاصل علي او طالب بس هو شغال مش طالب يعني و جاب ما يثبت كدا و طلع التصريح يقول يفيد غيره )
الأوراق المطلوبة للتصريح الأمني لتركيا 2022
- اصل الباسبور
- صوره الباسبور
- صوره الفيزا
- و دا مهم الhr letter لو انت موظف او سجل ضريبي و تجارى لو صاحب شركة و لو انت من المهن اللي ليها نقابة زيي مش محتاج الكلام دا يحتاجوا صورة الكارينه و يكون سارى و مش محتاج برنت تأمينات
- برنت تأمينات و دا فيه نقطة مهمة .. لو في الhr letter مثبت رقم التاميني بتاعك مش محتاج تطلعه ( دا حصل بالفعل مع اخويا راح بالhr letter و فيه الرقم التاميني من غير برنت التأمينات عادي )
- صورة بطاقة الاب
شاهد ايضا
التقديم من يوم السبت للخميس من ٨ ل ٢ او ٢ و نص
الاستلام بيبقي تاني يوم من الساعة ٤ ل ٥ مساءا
ازل يوم بتدفع ٣٥ جنيه و تاني يوم عند الاستلام ١١٠ جنيه و الاستلام لازم بالباسبور و اخويا استلملي التصريح الأمني عادي مش لازم انت ممكن حد من العيلة فيه ما يثبت انه قريبك اخوك اختك والدك والدتك و شهادة ميلاد او زوجك أو زوجتك و ما يثبت ذلك ( الدنيا هناك ممكن تمشي بان حد تاني يجيبهولك بس مش مضمونة النقطة دي خلينا في الاساس)
التصديق الامني
نيجي لتالت حاجة اللي بتخوف الرجالة اللي دخلت الجيش و هي التصديق الأمني (الحربي)
لو معاك اعفا او خلصت فترة الاحتياط مش محتاج الكلام اللي جاي .
المعروف ان التصديق الأمني بياخد ٢١ يوم
تعالا اقولك كام معلومة جديدة حلوة
اولا التصديق الأمني مش مطلوب يكون معاك الفيزا .. ممكن تعمله قبل الفيزا
ثانيا مش مكلف خالص ب ٥ جنية الاستمارة
ثالثا ممكن ياخد اقل من ٢١ يوم .. انا اخد معايا ١٤ يوم و ليا واحد صاحبي اخد معاه ٥ ايام بالظبط ..
رابعا الرسالة بتجيلك علي الواتس انه تم الموافقة .. بعدها لما تيجي تقدم علي التصريح اونلاين يوافقلك عليه
مكان عمل التصديق الأمني من مجمع خدمة المواطنين في تجنيد الحلمية
-2022.jpg)
تعليقات
إرسال تعليق