كيف تسافر ١١ بلد اوروبيه ب ١٧ الف جنيه بس لمده ٣٠ يوم؟!

ناس كتير دخلت تسألنلي ازاي عملتها وكمان لوحدي من غير صحاب ولا حاجه؟🤷‍♂️

انا هقولكم ع الزتونه بقي 😉

انا روحت (فرنسا-هولندا-المانيا-التشيك-بولندا-المجر-النمسا--سلوفاكيا-ايطاليا-اسبانيا-انجلترا)

نظمتها بقي فخلال اسابيع وعملت حجز الطيران بتاعي قبلها بشهور لدرجه ان ساعات الطيران الداخلي مع شركه Ryanair بيبقي ب ٩٠ جنيه من مدينه زي برشلونه لالمانيا!

وانت بقي لو مرزق وربنا بيحبك كمان بتبقي ارخص علي حسب التوقيت وعدد الكراسي المتاحه في الطياره ✈️

والله في رحلات بتوصل ل ٢ يورو اللي هما حوالي ٤٠ جنيه 😂😂

وبرده عشان مضحكش عليكم انا كنت بستحدم الباصات كتير برده زي Flixbus كنت شاري منهم ٥ رحلات لاي رحله في اوروبا حتي لو رحله من شرقها لغربها عادي بحوالي ٢٤٠ الرحله الواحده جنيه، يعني مثلا تركب باص من باريس لحد براج في التشيك ب ٢٤٠ جنيه بس 😂يا حلاوه 

وهيتبقي معاكم ٤ رحلات كمان تتنقلوا لاي مكان تتخيلوه!😳😳

نيجي للسكن اللي بيزاول ناس كتير، انا مكنتش هوملس ولا نايم فالشارع لا 😂😂

طبعا كنت بقعد في هوسلتز وده لسببين: انه رخيص جداً خصوصا لو حجزتم بفتره كويسه قبلها وتخططوا هتقعدوا قد ايه في كل مدينه، ودول كانوا مكلفني حوالي ٨٥ جنيه ل ٩٠ جنيه من كل هوستل للتاني.

الحل التاني هو الCouchsurfing وطبعا كلنا عاوفينه وده بالنسبالي كان مساعدني جدا وعوفني علي ناس كتيره وعملت علاقات كويسه جدا مع الناس في كل بلد 💪

المشكله الاكبر من السكن والتنقلات وهي ايه بقي يامعلم(لا مش البنات ولا الصحبه الحلوه لا 😂😂المشكله هي في الاكل🥐🍔🍟🍕🍔🌮

دي اصعب مشكله عند الناس وهي انا هاكل ايه وهتصرف ازاي في الموضوع ده؟!

بصراحه دي ملهاش اجابه واللي يقولكم تعملوا ايه يبقي بيشتغلكم! 

الاكل بالنسبالي كنت بقضيها عيش وجبنه وسالمون مثلا وتونه ، كوبايه قهوه مع كرواسون بالجبنه او الشوكلاته 🥐 والدنيا بتمشي❤️

طبعا انتوا ممكن تشتروا عجله في اي بلد تروحوها وتتنقلوا بيها عادي في الباصات في اماكن كبيره للعجل والمترو والقطر فيه مكان برده😉

الا الطياره اللي هتضطروا تدفعوا زياده شويه عشان العجله ! 

مره جيت اسال فالمطار هيحاسبوني كام زياده فالبنت قالتلي ١٥٠$ اللي هو تذكره الطيران كان واقفه عليا ب ٧$ اصلا 😂😂

" لا يا ستي الله الغني، انا هادخها مشي احسن" 

في مدن حرفيا ملهاش لازمه المواضلات خالص زي بودابيست وبراج بصراحه المشي فيهم متعه جدا ❤️

ملحوظه🔥

فككم من الناس بتوع انت مش شجره والكلام ده، في ناس ظروفها مساعداها تسافر وناس لأ بس بدل ما تقولولهم كده، روحوا عرفوهم ازاي يوفروا في السفر ويسافروا اكتر واكتر!

السفر حياه وبيخليكم تعرفوا قيمه الدنيا اللي انتوا عايشين فيها 😉❤️