نتحدث عن تجربتي السفر في روسيا و السياحة في موسكو

السياحة في موسكو تجارب السفر الي روسيا

رحلة الي روسيا

مبدايا انا سافرت روسيا اكتر من شهر ونص علي بروجكت تبع منظمة كدا ،، انا سافرت في السمر دا علشان الوقت يكون لطيف شوية هوا كان في سقعة ومطرة بس أكيد احسن من الشتاء

انا زورت اربع مدن

اوفا عاصمة جمهورية بشكرتستان

كازان عاصمة جمهورية تتارستان

وسان بيترسبرج

وموسكو

اوفا مدينة هادية ومنظمة والناس في طيبين ورخيصة نسبيا والمدينة دي كان البروجكت بتاعي فيها ويعتبر فيها اجمل بنات في روسيا

مدينة كازان

مدينة مودرن شوية عن اوفا فيها مباني شكلها حلو ومدينة فيها روح كدا عندهم مسجد مشهور جدا اسمه قول شريف من المزارات المهمة في كازان وعندهم شارع اسمه بومنج من الشوارع المشهورة جدًا هناك

سان بيتر

 اقدر أقول انها من اكتر المدن اللي عجبتني جدا في روسيا حسيت فيها لمسة أوروبية كدا شكل المباني والشوارع والناس وفي اجانب كتير فا فيها diversity حلوهً جدا، اكتر مدينة كان الجو سقعة فيها علشان في الشمال الغربي ولازقة في فنلندا

سان بيتر فيها مزارات كتير جدا .. زي متحف هيرميتاچ و بيتر هوف وغيره

موسكو

 مدينة حلوهً برده وكبيرة جدا جدا جدا وغالية جدا مش استمتعت فيها قد سان بيتر بس هي كويسة

مشكلتها ان المزارات بتاعتها بعيدة عند بعضها فا علشان الواحد

ينتقل من مكان للتأني فا بيتكلف كتير بس المترو بيساعد علي حل المشكلة دي بس المترو غالية نسبيا لينا

اكتر حاجةً وحشة في روسيا اللغة ٩٠٪؜ من الروس مش بيتكلموا انجلش فا الموضوع مرهق في التعامل معاهم هناك بس عادي جوجل translate موجود

• شاهد ايضا
• التقرير الشامل عن رحلتي لجزيرة بوكيت
• شروط الحصول على فيزا سياحية لتركيا

روسيا بلد جميلة جدا ورخيصة او يعتبر زي مصر في الأسعار انا عملت شوبنج هناك ال sales هناك رخيصة،، يعني اي مر دينة غير موسكو وسان بيتر رخيصة شوية غير كدا غاليين شوية

متوسط وأسعار الهوستيلز هناك في موسكو وسان بيتر من ١٠٠ ل ١٥٠ جنيةً في الليلة وهوستلز نضيفة جدا و كويسة جدا علي سعارها انا كنت قاعد في هوستيل في ال red square في موسكو الليلة ب ١٢٠ جنيةً فا السعر مش غالي وحلو.

يعتبر وجهه كويسة لو حد عاوز يسافر بلد جديدة و فيزتها مش معقدة

مشاهده متعه عن جوله في روسيا